वेळ -(कोणतीही)
माणूस हा विसरभोळाच पण कधी कधी हा स्वभाव अंगाशी येतो आणि....
(हे विडंबन काव्य आहे .त्यामुळे तसंच वाचावं....एखादी चाल जर तुमच्या डोक्यात आली तर तो योगायोग नाही)
नसतेच लायसन जेव्हा
जीव तुटका तुटका होतो
मग गाडी धरली जाते
मी चिल्लर गोळा करतो
नसतेच....
नो एंट्रीत गाडी घुसवी
मामा तर दिसतच नाही
दडलेला समोरच येतो
नि गाडीला ब्रेकच बसतो
नसतेच...
एक हाती गाडी धरतो
दुसऱ्या हाती किल्ली निघते
मानेने बोलता त्याने
मी गाडी बाजू करतो
नसतेच...
लायसन त्याने मागावे
मी हसूनच त्याला बघतो
हेल्मेट? बोलता त्याने
मी धाराशाही पडतो
नसतेच....
मज बोर्डच दिसला नाही
मी नवीनच आहे येथे
कारणे दिली ही जरी मी
तो निष्ठावंतच असतो
नसतेच.....
दंडाची किंमत बघूनी
मम पगार संपून जातो
खूप किचकिच करुनि मग तो
* हासून शंभरच घेतो*
नसतेच लायसन जेव्हा
जीव तुटका तुटका होतो
मग गाडी धरली जाते
मी चिल्लर गोळा करतो😁😁
-अमोघ वैद्य
